МАМАНДЫҚҚА САЯХАТ

Кәсіптік бағдар беру жұмысының құрамдас компоненттеріне – кәсіптік ақпарат, кәсіптік ағарту, кәсіптік ақыл-кеңес, кәсіптік іріктеу және кәсіптік бейімделу жатады.

Кәсіптік ақпараттың көп тараған түрлерінің бірі – оқу өндірістік базасына саяхат жасау, түрлі мамандық иелерімен кездесу және кештер өткізу, жоғары сынып оқушыларымен өндіріс ұжымдары, кәсіптік-техникалық оқу орындарымен біріккен конференциялар, дөңгелек үстел, байқау т.б іс-шаралар ұйымдастыру. Осыған орай, Маңғыстау облыстық жоғары медициналық колледжінде қаламыздағы 15 мектеп оқушыларының қатысуымен колледжіміздегі барлық мамандықтың кәсіби ерекшелігі, оқу үдерісі, тыныс-тіршілігімен таныстыру, мамандыққа қызығушылықтарын арттыру мақсатында кәсіптік саяхат ұйымдастырылды. Іс-шара барысында оқушылар колледждегі оқытылатын мамандық түрлерімен таныстырылды, өндірістік базасымен, студенттік өмір және студенттердің жетістіктерімен танысып бағыт-бағдар алды.