ШЖҚ МКК  Маңғыстау облыстық жоғары медициналық колледжінде Қазақстан Республикасының Білім және ғылым министрінің 2020ж. 31 желтоқсанындағы №566 бұйрығымен бекітілген «Техникалық және кәсіптік, орта білімнен кейінгі білім беру ұйымдарында индустриялық кеңестің қызметін ұйымдастыру жөніндегі әдістемелік ұсынымдарын» басшылыққа ала отырып, 2021 жылдың  15 қаңтарында колледж басшысының бұйрығымен индустриалдық кеңес құрылды. Кеңес құрамына колледждің әлеуметтік серіктестіктері мен  жұмыс берушілері, колледж түлектері кірді. Кеңес төрағасы- Аскаров С.Е. Жаңаөзен көпбейінді қалалық ауруханасының директоры, кеңес төрағасының орынбасары - Телегенова А.Е. Маңғыстау облыстық денсаулық сақтау басқармасының мамандар бөлімінің басшысы, кеңес кураторы - Сатыбалдиева Г.И. МОЖМК директордың практика жұмысы жөніндегі орынбасары.

Индустриалдық кеңес жұмысының мақсаты:

1. Мамандарды даярлау мәселелеріне қатысты консултациялық және сараптамалық көмек көрсетеді.

2. Оқу орны қызметінің көрсеткіштерін жақсарту бойынша ұсыныстар енгізеді (өндірістік және оқу практикаларын өткізу, арнайы пәндерді оқыту мәселелері бойынша).

3. Оқу жоспарлары мен бағдарламаларын жетілдіру және түпкілікті мақұлдау бойынша ұсыныстарды қарайды және әзірлейді.

4. Дуалды, модульдік оқыту жүйлерінде білім беру бағдарламаларының өзектілігіне, серіктес мекемелерімен оқу үрдісін нығайтуға жұмыстанады.

5. Өңірдегі емдеу алдын алу  мекемелерімен, кәсіпкерлер палатасымен өзара қарым- қатынасын дамытуды қамтамасыз етеді.  

6.Түлектерді жұмыспен қамту мәселелерін қарастырады.